मुख्यमंत्री भूपेश ह केंद्रीय मंत्री रामविलास पासवान ल लिखिस पत्र, केंद्रीय पूल म चावल उर्पाजन के मात्रा 31 लाख टन करे के करिस मांग

जय जोहार रायपुर…. मुख्यमंत्री भूपेश बघेल ह केंद्रीय खाद्य अऊ उपभोक्ता मंत्री रामविलास पासवान ल पत्र लिखिस हे। ये पत्र म ये वर्ष केंद्रीय पूल म चावल उर्पाजन के मात्रा 24 लाख टन ले बढ़ाके 31 लाख टन करे के अनुमति प्रदान करे बर अनुरोध करिस। मुख्यमंत्री ह लिखिस कि राज्य शासन अऊ भारत सरकार के खाद्य अऊ सार्वजनिक वितरण विभाग के एमओयू म राज्य म समस्त सरप्लस चावल भारतीय खाद्य निगम के तरफ ले उर्पाजन करे जात के प्रावधान हे।

बघेल ह पत्र म लिखित कि प्रदेश म खरीफ विपणन वर्ष 2019-20 म 18.20 लाख किसान मन ले समर्थन मूल्य म कुल 82.80 लाख टन धान के उर्पाजन करे गे हे। प्रदेश म धान उर्पाजन अऊ कस्टम मिलिंग चावल जमा करे बर के कार्य राज्य शासन अऊ भारत सरकार खाद्य अऊ सार्वजनिक वितरण विभाग के मध्य होइस एमओयू के अनुसार करे जात हे।

राज्य म गत वर्ष किसान मन के ऋण माफी करे जात ले खरीफ वर्ष 2019-20 म धान खरीदी बर पंजीकृत किसान मन के संख्या म वृद्धि होइस हे। लगभग 4 लाख कालातीत किसान मन के ऋण माफ होए के चलत ओ मन ले अधिकतर के तरफ ले धान खरीदी बर पंजीयन कराए गे हे। जेखर ले धान खरीदी के मात्रा गत वर्ष 80.38 टन ले बढ़के 82.80 लाख टन हो गिस हे।