Raipur : मुख्यमंत्री ह प्रदेस वासी मन ल कृष्ण जन्माष्टमी के दीन बधाई अउ सुभकामना

जय जोहार । (Raipur ) मुख्यमंत्री भूपेश बघेल ह प्रदेस वासी मन ल कृष्ण जन्माष्टमी के बधाई अउ सुभकामना दीन हे । ए अवसर म वो हा सबो झन के सुख, समृद्धि अउ खुसहाली के कामना करीन हे। जन्माष्टमी के पूर्व संझा म जारी अपन बधाई संदेस म मुख्यमंत्री ह किहीन कि भगवान श्रीकृष्ण ह हमन ल सदा सत्य के मार्ग म चले अउ अन्याय के विरूद्ध खड़े होय के मार्ग दिखाइन हे । ओखर जीवन-लीला हमन ल आने आने विपरीत परिस्थिति म जीवन जीये के सही तरीका बतात हे ।

(Raipur ) सीएम श्री बघेल ह किहीन हे कि पुराण म कदंब के वृक्ष अउ हरा-भरा बागीचा के तीर भगवान कृष्ण के लीला के वर्णन मिलत हे । मनुष्य बर वृक्ष के जादा उपयोगिता होय के सेती हमर मन के परंपरा म एमन ल महत्वपूर्ण स्थान दे गेहे । राज्य सरकार ह श्री कृष्ण जन्माष्टमी ले ’कृष्ण कुंज’ विकसित कर छत्तीसगढ़ म प्रकृति अउ पर्यावरण संरक्षण के एक नवा अध्याय ल सुरु करे ल जात हे ।

(Raipur ) वृक्षारोपण ल जन-जन अउ अपन सांस्कृतिक विरासत ले जोड़े अउ विसिष्ट पहचान दे बर एखर नाव ’कृष्ण कुंज’ रखे गेहे। जन्माष्टमी ले सबो नगरीय क्षेत्र म बरगद, पीपल, नीम अउ कदंब जइसे सांस्कृतिक महत्व के जीवनोपयोगी वृक्ष के रोपण कर ’कृष्ण कुंज’ विकसित करे के सुरूआत होही ।