chhattisgarh : मुख्यमंत्री भूपेश बघेल ह प्रदेस वासी मन ल दीन हे रामनवमी के बधाई, पढ़व
जय जोहार। (chhattisgarh) मुख्यमंत्री भूपेश बघेल ह प्रदेस वासी मन ल रामनवमी के बधाई अउ सुभकामना दीन हे। सीएम ह ए अवसर म प्रदेस वासी मन के सुख, समृद्धि अउ खुसहाली के कामना करे हे ।
सीएम श्री बघेल ह किहीन कि पूरा देस म रामनवमी ल मर्यादा पुरूषोत्तम भगवान राम के जन्मदिन उत्साह ले मनाये जात हे । ये छत्तीसगढ़ (chhattisgarh) बर गर्व अउ हर्ष के बात हे कि कौशल्या माता के धाम प्राचीन दक्षिण कोसल श्री राम के ननिहाल रिहीन हे । भगवान राम ह अपन वनवास के अधिकांस बेरा इहां बिताइन हे ।
सीएम श्री बघेल ह किहीन कि वनवास काल के दउरान भगवान राम छत्तीसगढ़ (chhattisgarh) म जेन मार्ग ले गुजरे रिहीन , ओला राज्य सरकार ‘राम वन गमन पर्यटन परिपथ‘ बनात हुये धार्मिक पर्यटन के रूप म विकसित करत हे । परियोजना के अंतर्गत 75 ठीन स्थान के चिन्हांकन करे गेहे । पहला चरण म 9 ठीन स्थान ल विकसित करे के काम ल सुरु करे गेहे।
सबले पहले माता कौशल्या के जन्मभूमि चंदखुरी म स्थित कौशल्या माता के मंदिर के जीर्णाेद्धार अउ मंदिर परिसर के सौंदर्यीकरण करे गेहे । माता शबरी के नगरी शिवरीनारायण ल घलो इहीं तर्ज म विकसित करे जात हे ।
