chhattisgarh : मुख्यमंत्री ह प्रदेस वासी मन ल हरेली तिहार के दीन बधाई अउ सुभकामना
जय जोहार। (chhattisgarh) मुख्यमंत्री भूपेश बघेल ह प्रदेस वासी मन ल हरेली तिहार के बधाई अउ सुभकामना दीन हे। हरेली के पूर्व संझा म आज जारी अपन सुभकामना संदेस म सीएम ह किहीन कि हरेली छत्तीसगढ़ के जन-जीवन म रचे -बसे खेती-किसानी ले जुड़े पहला तिहार हे । ैएमा अच्छा फसल के कामना के संग खेती-किसानी ले जुड़े औजार के पूजा करे जात हे । ए दिन धरती माता के पूजा कर हमन भरण पोषण बर ओखर आभार व्यक्त करत हन।
(chhattisgarh) सीएम श्री बघेल ह किहीन कि गांव-गांव म हरेली के पर्व ल बड़े उत्साह अउ उमंग ले मनाए जात हे । नागर, गैंती, कुदाली, फावड़ा समेत कृषि के काम अवइया सबो तरह के औजार के साफ-सफाई अउ पूजा करे जात ही । पारंपरिक तरीका ले मनखे मन ह गेड़ी चढ़के हरेली के खुशी ल मनात हे । प्राचीन मान्यता के अनुसार सुरक्षा बर घरों के बाहर नीम की पत्ती लगाए जात हे । छत्तीसगढ़ के ए गौरवसाली संस्कृति अउ परम्परा ल सहेजे बर छत्तीसगढ़ सरकार ह हरेली तिहार के दिन सार्वजनिक अवकास घलो घोसित करे हे ।
सीएम श्री बघेल ह किहीन कि छत्तीसगढ़ के प्राचीन संस्कृति अउ परंपरा हमर मन के गौरव हे । छत्तीसगढ़ सरकार ह अपनी संस्कृति अउ परम्परा ल सहेजे बर कई ठीन अहम फइसला लेहे । हरेली के दिन ही दू बछर पहले प्रदेस के महत्वाकांक्षी ‘गोधन न्याय योजना’ के सुभारंभ होए हे । ‘गोधन न्याय योजना’ योजना ह गांव के अर्थव्यवस्था बर एक ठीन मजबूत अउ नवा आधार तैयार करे हे ।
