chhattisgarh : सीएम भूपेश बघेल ह छत्तीसगढ़ राज्य स्थापना दिवस म प्रदेस वासी मन ल दीन हे बधाई
जय जोहार…. (chhattisgarh) मुख्यमंत्री भूपेश बघेल ह प्रदेस वासी मन ल एक नवम्बर राज्य स्थापना दिवस म बधाई दीन हे। सीएम बघेल ह किहीन कि छत्तीसगढ़ अपन निर्माण के 21 वां बछर ल पूरा कर 22 वां बछर म प्रवेश करत हे। हमार मन के युवा छत्तीसगढ़ ह ऊर्जा अउ आत्मविश्वास ले भरे हे। ए ऊर्जा के सही दिसा म इस्तेमाल करत हुए हमन ल छत्तीसगढ़ राज्य ल एक मॉडल राज्य बनाना हे।
सीएम बघेल ह किहीन कि राज्य सरकार ‘गढ़बो नवा छत्तीसगढ़‘ के संकल्प ल लेके मजूबत इच्छासक्ति के संग आगू बाढ़त हे। (chhattisgarh) राज्य सरकार ह छत्तीसगढ़ के संस्कृति, संस्कार अउ संसाधन ल संरक्षित अउ सवंर्धित करे के संग सुलभ अउ सुचारू प्रसासन व्यवस्था लागू करे के दिसा म कदम उठाय हे।
(chhattisgarh) वन अधिकार पट्टा, तेंदूपत्ता बोनस अउ वनोपज क्र वाजिब रकम दिलाके राज्य सरकार ह जल, जंगल, जमीन के लाभ ल स्थानीय मनखे मन तक पहुंचाइन हे। विकास ल प्रदेस के हर कोना अउ हरेक मनखे तक पहुंचे, एखर बर नवा प्रसासनिक इकाई के गठन करे गेहे।
