जय जोहार । मुख्यमंत्री दाई-दीदी मोबाइल क्लीनिक (Chief Minister Dai-Didi Clinic) ले अब तक करीबन 2036 कैम्प लगाए गेहे । ए क्लीनिक के माध्यम ले रायपुर, बिलासपुर अउ भिलाई नगर निगम क्षेत्र के झुग्गी बहुल बस्ती म रहवइया 1 लाख 52 हजार 361 महिला अउ बालिका के ओखर घर के तीर ही इलाज करे गेहे।
गौरतलब हे कि छत्तीसगढ़ सासन के नगरीय प्रसासन अउ विकास विभाग डहार ले मुख्यमंत्री दाई-दीदी क्लिनिक योजना संचालित करे जावत हे । ए योजना के तहत मोबाइल मेडिकल यूनिट के वाहन म महिला चिकित्सक अउ महिला स्टॉफ के टीम पहुंचत हे अउ जरूरतमंद महिला अउ बालिका के बीमारी के मुफत जांच अउ इलाज करत हे ।
ए मोबाइल मेडिकल यूनिट डहार ले 29 हजार 397 महिला के लैब टेस्ट करे गेहे अउ 1 लाख 44 हजार 838 महिला ल मुफत दवाई गीन । पहले गरीब स्लम क्षेत्र म रहवइया अउ मेहनत मजदूरी करइया अइसे महिला जेन बेरा या अन्य सेती ले अपन इलाज नई करा पात रिहीन। अब दाई-दीदी क्लीनिक ले ओमन ल इलाज के सुविधा घर के तीर ही महिला चिकित्सक अउ चिकित्सा स्टाफ के माध्यम ले मिलत हे
No Comment! Be the first one.