मुख्यमंत्री दर्पण पोर्टल अउ मोबाइल एप ल मिलिस राष्ट्रीय पुरस्कार, केन्द्रीय मंत्री गडकरी ह छत्तीसगढ़ ल प्रदान करिन ई सर्टिफिकेट

जय जोहार…. मुख्यमंत्री दर्पण वेबसाइट अउ मोबाइल एप ल राष्ट्रीय स्तर म एलिट्स एक्सीलेंस अवार्डस-2020 ले नवाजे गे हे। छत्तीसगढ़ राज्य ल ये सम्मान देश के प्रतिष्ठित आईटी संस्थान टेक्नोमीडिया, नईदिल्ली ह डिजिटल इंडिया पहल के अंतर्गत प्रदान करे हे। देश म 10 जुलाई ले तीन दिनी वर्चुअल कांफ्रेस के आयोजन करे जावत हे। नईदिल्ली म 10 जुलाई के ए कांफ्रेस के शुभांरभ करत हुये केन्द्रीय मंत्री नितिन गडकरी ह छत्तीसगढ़ ल ई सर्टिफिकेट प्रदान करे हे।
उल्लेखनीय हे कि मुख्यमंत्री भूपेश बघेल के विशेष पहल म कोरोना संक्रमण के दौरान छत्तीसगढ़ शासन के सुराजी गांव योजना अउ फ्लैगशिप योजना के निगरानी बर चिप्स के तरफ ले मुख्यमंत्री दर्पण योजना अउ मोबाइल एप ल तैयार करे गिस, जेखर लोकार्पण ल पिछले माह के 10 जून के मुख्यमंत्री बघेल ह करे रिहिस।