CM Bhupesh Baghel ह करीन रायपुर म बीपीओ सेंटर बर भूमिपूजन
जय जोहार। सीएम भूपेश बघेल (CM Bhupesh Baghel) ह आज रायपुर शहर म 500 सीटर बीपीओ सेंटर स्थापित करे बर भूमिपूजन करीन। लगभग 10 करोड़ रुपिया के लागत ले ये बीपीओ सेंटर कलेक्टोरेट के सामने मल्टीलेवल पार्किंग के पाचवां तल म सुरू होही।
ए अवसर म मुख्यमंत्री श्री बघेल ह किहीन कि ए बी.पी.ओ. सेंटर के स्थापना ले रायपुर के युवा ल उन्नत अउ आधुनिक सुविधा ले रोज़गार के नवा रास्ता खुलही।बीपीओ ले मल्टीनेशनल बड़का कंपनी म नौकरी ले युवा म आत्मनिर्भरता आही । मुख्यमंत्री ह किहीन कि ए बी.पी.ओ. के जरिए कॉल सेंटर कस्टमर सपोर्ट, सेल्स एंड मार्केटिंग, डाटा एंट्री, टेक्निकल सपोर्ट, चौट सपोर्ट, बैंक एंड फ्रंट ऑफिस वर्क, सोशल मीडिया हैण्डलिंग, डाटा एनालिसिस जइसे आउटसोर्सिंग व्यवसाय ले युवा जुड़ सकही ।
सीएम श्री बघेल ह किहीन कि सूचना क्रांति के ए दउर म रायपुर म लंबा बेरा ले अइसे आधुनिक बी.पी.ओ. सेंटर के आवश्यकता महसूस होवत रिहीस, जिहां काम करत हुए कम लागत म बेरोजगार अउ महाविद्यालयीन शिक्षा प्राप्त करट युवा ल पूरा दुनिया ले जुड़के अपन कौशल बढ़ाए के समुचित अवसर मिले। कोरोना काल म घलो हरेक घर तक संदेस ल पहुंचाए बर अइसे बीपीओ आधारित हाइटेक कॉल सेंटर के आवश्यकता शहर म महसूस करे जावत रिहीस । अब ए बीपीओ के बन जाए ले रायपुर शहर म घलो कई जन सुविधा सुरू हो सकही, जेखर मनखे मन ल त्वरित लाभ मिलही ।
