जय जोहार। (chhattisgarh ) मुख्यमंत्री भूपेश बघेल ह विधानसभा परिसर के अपन कार्यालय कक्ष ले रायगढ़ जिला के तमनार म जिंदल स्टील एंड पावर लिमिटेड फाउंडेशन डहार ले बालक- बालिका बर निर्मित दो ठीन आने-आने चिल्ड्रेन होम के वर्चुअल लोकार्पण करीन।
तमनार के सावित्री नगर म ए आवास गृह के निर्माण ल जेएसपीएल फाउंडेशन डहार ले सीएसआर मद ले कराये गेहे। एक सौ लईका के क्षमता के ए दूनों चिल्ड्रेन होम म वर्तमान म 35 बालक-बालिका हे। (chhattisgarh ) ए चिल्ड्रेन होम म अइसे लईका मन ल प्रवेश दे जाही, जेखर माता-पिता नई हे या जेन कमजोर तबका के हे। जेएसपीएल के चेयरमैन नवीन जिंदल अउ जेएसपीएल फाउंडेशन के चेयरपर्सन शालू जिंदल घलो ए कारीकरम म वीडियो कांफ्रेंस ले जुड़ीन।
(chhattisgarh ) मुख्यमंत्री ह जेएसपीएल के ए रचनात्मक अउ अच्छा पहल बर चौयरमेन नवीन जिंदल ल बधाई दीन। वो हा किहीन कि औद्योगिक विकास अउ सामाजिक विकास एक- दूसर के पूरक हे । सामाजिक दायित्व के तहत जिंदल फाउंडेशन ह शिक्षा, स्वास्थ्य समेत कई ठीन क्षेत्र म करे अपन काम ले छत्तीसगढ़ अउ देस के सामने एक उत्कृष्ट उदाहरण प्रस्तुत करे हे । ए अवसर म स्कूल सिक्षा मंत्री प्रेमसाय सिंह टेकाम, जेएसपीएल के प्रेसिडेंट प्रदीप टण्डन घलो उपस्थित रिहीन ।
No Comment! Be the first one.