जय जोहार। अंतर्राष्ट्रीय श्रमिक दिवस के मउका म सीएम भूपेश बघेल (CM Bhupesh Baghel) ह सोमवार के रायपुर के साइंस कॉलेज मैदान म 2 महिला हितग्राही मन ल ई-रिक्शा वितरित करीन, एमा राधिका देवांगन लाखे नगर अउ वैष्णवी सिंदूर सामिल हे। निर्माण श्रमिक ई रिक्शा सहायता योजना के तहत निर्माण महिला श्रमिक मन ल ये रिक्शा प्रदान करे गेहे। ए योजना म एक लाख रुपिया के अनुदान सामिल हे । ए मउका म श्रम मंत्री डॉ. शिव कुमार डहरिया, संसदीय सचिव विकास उपाध्याय, विधायक मोहन मरकाम, पूर्व सांसद नंदकुमार साय समेत अन्य जनप्रतिनिधि मौजूद रिहीन।
साइंस कॉलेज मैदान म श्रम विभाग डहार ले प्रदर्शनी लगाए गीन, एमा मुख्यमंत्री श्रमिक सहायता योजना, औद्योगिक स्वास्थ्य एवं सुरक्षा छत्तीसगढ़, छत्तीसगढ़ श्रम कल्याण मंडल, छत्तीसगढ़ असंगठित कर्मकार राज्य समाजिक सुरक्षा मंडल, छत्तीसगढ़ भवन अउ अन्य सन्निर्माण कर्मकार कल्याण मंडल डहार ले स्टॉल लगाए गे रिहीन । एखर जरिए श्रमिक मन के हित म चलाए जावत योजना अउ कार्यक्रम के जानकारी दे गीस ।
No Comment! Be the first one.