मुख्यमंत्री के मंशा सराबबंदी के नइए : रमन सिंह

रायपुर । छत्तीसगढ़ म सराबबंदी के वादा ल पूरा करे बर अभु तक नवां सरकार ह कोनो वाजिब कदम नइ उठाए हे।  अइसे म विपक्ष लगातार सरकार उपर वार करत हवय।  इहीं कड़ी म रमन सिंह ह कांग्रेस उपर छत्तीसगढ़ के जनता के संग छल करे के आरोप लगाइस हे।

रमन सिंह ह सीएम भूपेश बघेल के बेयान ल याद करत हुए कहिन के, सीएम भूपेश ह बेयान देय हे के, जब समाज चाही त सराबबंदी होही। जबके सच्चाई ए हे के मुख्यमंत्री के अलावा सबों झन सराबबंदी चाहत हे। रमन सिंह ह कहिन के, ए तरह के बहाना ले ए स्पष्ट हे के कांग्रेस के मंशा सराबबंदी के नइए।