CM Bhupesh Baghel ह अंतर्राष्ट्रीय महिला दिवस के दीन सुभकामना
जय जोहार। सीएम भूपेश बघेल (CM Bhupesh Baghel) ह अंतर्राष्ट्रीय महिला दिवस म सबो माता, बहन अउ बेटी ल बधाई अउ सुभकामना दीन हे। अंतर्राष्ट्रीय महिला दिवस के पूर्व संझा म जारी अपन सुभकामना संदेस म मुख्यमंत्री ह किहीन कि महिला तक ओखर अधिकार ल पहुंचाय, ओखर ससक्तिकरण करे अउ लैंगिक समानता के उद्देश्य ल लेके पूरा दुनिया म 8 मार्च के अंतर्राष्ट्रीय महिला दिवस ल मनाए जात हे। वोहा किहीन कि महिला मन ह अपन क्षमता, योग्यता अउ हौसला ले हरेक क्षेत्र म अपन मुकाम ल बनाए हे ।ओखर भागीदारी के बिना हमन समग्र विकास के कल्पना नई कर सकथे।
सीएम भूपेश बघेल ह किहीन हे कि छत्तीसगढ़ म हमेसा महिला के स्थान ऊंचा रिहीन हे। लेकिन घर-परिवार अउ समाज म आर्थिक भागीदारी के मामला म वे पिछड़ गे रिहीन , एला देखत हुए राज्य सरकार ह महिला ल स्वावलम्बन ले जोड़े के रणनीति अपनाईन। गौठान अउ महिला समूह ले जोड़के ओखर बर आर्थिक समृद्धि के नवा राह तईयार करे गेहे ।
गौठान महिला मन बर स्व-रोजगार के केन्द्र बनत हे । गौठान ल रूरल इंडस्ट्रियल पार्क के रूप म विकसित करे जावत हे । एखर ले बड़का संख्या म महिला मन ल लाभ होवत हे । आज छत्तीसगढ़ के महिला मन ह अपन उद्यमिता अउ काबिलियत ले पूरा देस म अपन नाव बनावत हे । सीएम ह किहीन कि छत्तीसगढ़ म विकास के हरेक क्षेत्र म महिला मन ह बढ़-चढ़के हिस्सा लेवत हे ।
