chhattisgarh : सीएम भूपेश बघेल ह हर्बल गुलाल ले भरे ट्रक ल यूरोप भेजे बर झंडी दिखाके करीन रवाना, पढ़व

जय जोहार। (chhattisgarh) मुख्यमंत्री भूपेश बघेल ह आज रायपुर के अपने निवास कार्यालय म आयोजित कारीकरम म छत्तीसगढ़ राज्य म तैयार हर्बल गुलाल ले भरे ट्रक ल यूरोप एक्सपोर्ट करे बर झंडी दिखाके रवाना करीन । ये हर्बल गुलाल स्व-सहायता समूह के सखी क्लस्टर संगठन अंजोरा राजनांदगांव अउ कुमकुम महिला ग्राम संगठन सांकरा दुर्ग के महिला मन ह श्री गणेशा ग्लोबल गुलाल प्राइवेट लिमिटेड के मार्गदर्शन म अपन लगन अउ मेहनत ले तैयार करे हे । यूरोप एक्सपोर्टकरे जावत 23 हजार 279 किलो हर्बल गुलाल के दाम 41 लाख 95 हजार 302 रुपिया हे ।

ए मउका म (chhattisgarh) मुख्यमंत्री के सलाहकार प्रदीप शर्मा, विधायक कुलदीप जुनेजा, नगर निगम रायपुर के महापौर एजाज ढेबर, श्री गणेशा ग्लोबल गुलाल प्राइवेट लिमिटेड के डायरेक्टर अनुज गोयल अउ महिला स्व-सहायता समूह के पदाधिकारी मन मौजूद रिहीन ।

उल्लेखनीय हे कि मुख्यमंत्री भूपेश बघेल के मंशा के अनुरूप महिला समूह ल आर्थिक रूप ले आत्मनिर्भर बनाय बर गौठान म कई ठीन प्रकार के आयमूलक गतिविधि संचालित करे जावत हे । गौठान के सामुदायिक बाड़ी म फूल के खेती बिसेसकर गेंदा फूल के खेती ल सुरु करे गेहे, ताकि एखर ले महिला समूह ल अउ जादा आय हासिल हो सके।

फूल ले हर्बल गुलाल के निर्माण बर 18 फरवरी 2022 के (chhattisgarh) मुख्यमंत्री भूपेश बघेल के मौजूदगी म श्री गणेशा ग्लोबल गुलाल प्राइवेट लिमिटेड अउ छत्तीसगढ़ शासन के उद्यानिकी अउ प्रक्षेत्र वानिकी के संचालक के मध्य एमओयू होय रिहीन था। एखर पहला चरण म 150 महिला स्व-सहायता समूह के माध्यम ले हर्बल गुलाल अउ हर्बल पूजन सामग्री ल तैयार करे जावत हे ।