chhattisgarh : सीएम ह दीन हे बड़का तोहफा, सूबेदार, एसआई अउ प्लाटून कमांडर भर्ती बर अनूसूचित जनजाति के अभ्यर्थी मन ल दे गेहे ऊंचाई अउ सीना माप म छूट

जय जोहार…. (chhattisgarh ) मुख्यमंत्री भूपेश बघेल ह राज्योत्सव के अवसर म सूबेदार, एसआई अउ प्लाटून कमांडर भर्ती बर अनूसूचित जनजाति के अभ्यर्थी मन ल बड़का तोहफा देहे। राज्य सासन डहार ले अनुसूचित जनजाति के अभ्यर्थी मन के हित में निर्णय लेत हुए ऊंचाई अउ सीना माप म छूट प्रदान करे गेहे। संगेसंग सबो अभ्यर्थी मन बर ऑनलाइन आवेदन करे के आखिरी तारीख ल 11 नवंबर 2021 तक बढ़ा दे गेहे।

उल्लेखनीय हे कि (chhattisgarh ) छत्तीसगढ़ पुलिस के सूबेदार, उपनिरीक्षक अउ प्लाटून कमांडर के रिक्त पद म भर्ती बर विज्ञापन जारी कर आवेदन ल आमंत्रित करे गे रिहीन। ए विज्ञापन म आवेदन ल करे के अंतिम तिथि 31.10.2021 निर्धारित रिहीन। राज्य शासन डहार ले अनुसूचित जनजाति के पुरुष उम्मीदवार मन बर ऊंचाई अउ सीना माप म छूट दे गेहे।

(chhattisgarh ) अनुसूचित जनजाति (ST) वर्ग के पुरुष उम्मीदवार बर सारीरिक अहर्ता म न्यूनतम ऊंचाई 163 सेमी. अउ न्यूनतम सीना माप अहर्ता म छूट देत हुए सीना बिना फुलाये 78 सेमी. अउ फुलाय म 83 सेमी. करे गेहे। बाकी अहर्ता पूर्व म जारी विज्ञापन के अनुसार होही।