chhattisgarh : मुख्यमंत्री भूपेश बघेल ह अवैध रेत उत्खनन करइया के विरुद्ध सख्त कार्रवाई करे के दीन हे निर्देस

जय जोहार…. (chhattisgarh) मुख्यमंत्री भूपेश बघेल ह अवैध रेत उत्खनन करइया के विरुद्ध सख्त कार्रवाई करे के निर्देस देहे। मुख्यमंत्री बघेल ह कलेक्टर अउ एसपी ल निर्देस देहे कि कोनो जिला म अवैध रेत उत्खनन नई होना चाही। कोनो घलो जिला ले अवैध रेत उत्खनन के सिकायत मिले म कलेक्टर अउ एसपी व्यक्तिगत रूप ले जिम्मेदार होही।

अवैध उत्खनन म कार्रवाई नई होय म जिला के अधिकारी मन के जिम्मेदारी तय करे जाही अउ ओखर विरुद्ध कड़ी अनुसासनात्मक कार्रवाई होही। मुख्यमंत्री ह अवैध उत्खनन रोके ल कलेक्टर और एसपी ल स्वयं मॉनिटरिंग करे के निर्देस देहे । (chhattisgarh) मुख्यमंत्री भूपेश बघेल ह प्रदेस म रेतमाफिया डहार ले अवैध रूप ले रेत के उत्खनन अउ परिवहन ल लेके आवत खबर ल गंभीरता ले लेहे । वो हा ए सबंध म खनिज विभाग के आला अफसर मन ल रेत माफिया म सख्ती ले लगाम लगाय के निर्देस देहे ।

(chhattisgarh) मुख्यमंत्री बघेल ह किहीन कि राज्य ल अवैध रूप ले रेत उत्खनन अउ परिवहन ले राजस्व म नुकसान उठाना पड़त हे। जिहां रेत के अवैध उत्खनन अउ परिवहन के सिकायत मिलत हे, उहाँ खनिज विभाग के अधिकारी अउ मैदानी अमला ले नियमित निरीक्षण कराये जाये ।