मुख्यमंत्री 13 जनवरी के दंतेवाड़ा जिला ल दिही 161 करोड़ रुपया के विकास कार्य के सौगात

रायपुर। मुख्यमंत्री विष्णु देव साय 13 जनवरी कS दंतेवाड़ा जिले के प्रवास के बेरा जिलेवासी मन ल 160 करोड़ 73 लाख 21 हजार रूपया के लागत वाला 501 विकास कार्य के सौगात दिही। मुख्यमंत्री दंतेवाड़ा जिले के बड़े बचेली म आयोजित कार्यक्रम म दंतेवाड़ा जिला के विकास ले संबंधित 501 निर्माण कार्य के लोकार्पण अउ भूमिपूजन करहि, जेमा 49 करोड़ 5 लाख रूपया के लागत ले निर्मित 367 कार्य के लोकार्पण अउ 111 करोड़ 68 लाख रूपया के लागत वाला 134 कार्य के भूमिपूजन शामिल हें। ए अवसर म कार्यक्रम के अध्यक्षता वन अउ प्रभारी मंत्री केदार कश्यप करहि। कार्यक्रम म सांसद लोकसभा क्षेत्र बस्तर महेश कश्यप अउ विधानसभा क्षेत्र के विधायक चैतराम अटामी विशिष्ट अतिथि होहि।

     मुख्यमंत्री विष्णु देव साय ए अवसर म छिंदनार ले बड़ेकरका मार्ग म इन्द्रावती नदी म 33.78 करोड़ रूपया के लागत ले निर्मित उच्च स्तरीय पुल अउ पहुंचमार्ग के लोकार्पण करहि। मोर मकान-मोर आवास योजना के अंतर्गत दंतेवाड़ा म 7.25 करोड़ रूपया के लागत ले 321 हितग्राही मन बर निर्मित पक्का मकान के चाबी ओमन ल सौंपेहि। मुख्यमंत्री तीन गांव म नल जल प्रदाय योजना के अंतर्गत 3.98 करोड़ रूपया के लागत ले निर्मित जल प्रदाय योजना, 1.10 करोड़ रूपया के लागत ले विभिन्न स्थान म निर्मित 15 पुल-पुलिय, 99 लाख रूपया के लागत ले 12 सड़क के निर्माण अउ उन्नयन कार्य, अरनपुर म 28.36 लाख रूपया के लागत ले निर्मित उप स्वास्थ्य केन्द्र, वनाधिकार पट्टाधारी 8 कृषक मन के खेत के 50.87 लाख रूपया के लागत ले लेय गे चैनलिंक फेंसिंग कार्य के लोकार्पण करहि।  

    मुख्यमंत्री विष्णु देव साय नगरपालिका किरंदुल अंतर्गत 44.54 करोड़ रूपया के लागत ले निर्मित होवइया जल आवर्धन योजना, बारासुर म 14.73 करोड़ रूपया के लागत वाला जल आवर्धन योजना, 18.52 करोड़ रूपया के लागत ले दंतेवाड़ा म बनइया अंतर्राज्यीय बस स्टैण्ड, 3.18 करोड़ रूपया के लागत वाला 28 नवीन आंगनबाड़ी भवन, 2.44 करोड़ रूपया के लागत वाला 13 सड़क, 1.92 करोड़ रूपया के लागत वाला 18 पुल-पुलिया, 6.97 करोड़ रूपया के लागत ले जलाशय के जीर्णोंद्धार अउ नहर लाईनिंग कार्य, 9.60 करोड़ रूपया के लागत ले निर्मित होवइया 11 आश्रम भवन के निर्माण, 20 ग्राम पंचायत म 1.07 करोड़ रूपया के लागत हाईमास्ट लाईट के स्थापना, 80.59 लाख रूपया के लागत ले सोलर हाईमास्ट संयंत्र स्थापना के 15 कार्य, हल्बारास म 30.68 लाख रूपया के लागत ले सोलर पॉवर प्लांट अउ सोलर ड्यूल पम्प के स्थापना सहित अन्य विकास कार्य के भूमिपूजन करहि।