Raipur : मुख्यमंत्री ह प्रदेस वासी मन ल स्वतंत्रता दिवस के दीन सुभकामना

जय जोहार । (Raipur) मुख्यमंत्री भूपेश बघेल ह देस के आजादी के 75 वीं वर्षगांठ म प्रदेस वासी मन ल बधाई अउ सुभकामना दीन हे । स्वतंत्रता दिवस के पूर्व संझा म जारी अपन संदेस म वोहा किहीन कि ए बछर भारत ल आजादी मिले 75 बछर पूरा होवत हे। ए खुसी म पूरा देस आजादी के अमृत महोत्सव मनावत हे । हजारो मनखे मन के कठिन संघर्ष, त्याग अउ बलिदान ले हमन ल ये अमूल्य आजादी मिले हे ।

(Raipur) मुख्यमंत्री ह किहीन की हमर मन के पुरखा ह आजादी के बाद जेन लोकतंत्रात्मक गणराज्य के सपना ल देखे रिहीन, ओला पूरा करना हमन सबो के जिम्मेदारी हे । राज्य सरकार ह गांधीवादी सोच के संग ‘गढ़बो नवा छत्तीसगढ़‘ के परिकल्पना ल साकार करे के दिसा म आघू बढ़त हे । राज्य सरकार के प्राथमिकता ह समाज के सबले कमजोर वर्ग ल ससक्त बनाय, गांव ल मजबूत करे अउ हर व्यक्ति तक बुनियादी सुविधा उपलब्ध कराय के हे ।

बुनियादी स्तर म गांव ल मजबूत करे बर किसान अउ महिला मन ल आर्थिक रूप ले सक्त बनाय के पहल करे गेहे । एखर बर सुराजी गांव योजना, ’राजीव गांधी किसान न्याय योजना‘, गोधन न्याय योजना, गौ-मूत्र खरीदी, भूमिहीन कृषि मजदूर न्याय योजना ल सुरू करे गेहे।