chhattisgarh : मुख्यमंत्री ह करीन मरवाही अउ कोटा विधानसभा क्षेत्र बर 78 निर्माण काम के लोकार्पण-भूमिपूजन

जय जोहार । (chhattisgarh) मुख्यमंत्री भूपेश बघेल ह प्रदेस व्यापी भेंट मुलाकात कारीकरम के दउरान आज गौरेला-पेंड्रा-मरवाही जिला के गौरेला म मरवाही विधानसभा अउ कोटा विधानसभा क्षेत्र बर 151 करोड़ 9 लाख रुपिया के लागत के 78 निर्माण काम के लोकार्पण अउ भूमिपूजन करीन ।

(chhattisgarh) एमा मरवाही विधानसभा क्षेत्र म 56 करोड़ 20 लाख रुपिया के 15 काम अउ कोटा विधानसभा क्षेत्र म 20 लाख रुपिया के 4 काम के लोकार्पण सामिल हे । अइसने भूमिपूजन के काम म मरवाही विधानसभा क्षेत्र म 84 करोड़ 73 लाख रुपिया के 55 काम अउ कोटा विधानसभा क्षेत्र म 9 करोड़ 96 लाख रुपिया के 4 निर्माण काम सामिल हे ।