chhattisgarh : मुख्यमंत्री भूपेश बघेल ह कुम्हारी म बैडमिंटन कोर्ट के करीन लोकार्पण, पढ़व
जय जोहार। मुख्यमंत्री भूपेश बघेल ह शनिवार के कुम्हारी नगर पालिका म बैडमिंटन कोर्ट भवन के लोकार्पण करीन। इहां दू ठीन कोर्ट बनाय गेहे। एखर संग चेंजिंग रूम के फैसिलिटी घलो हे। एखर संगेसंग लैंडस्कैपिंग घलो करे गेहे । बैडमिंटन कोर्ट के लागत 97 लाख रुपिया हे।
परिसर म 60 लाख रुपिया के लागत ले वर्टिकल गार्डन घलो बनाय गेहे । संगेसंग 59 लाख रुपिया के लागत ले उद्यान घलो बनवाय गेहे । ए मउका म मुख्यमंत्री भूपेश बघेल ह किहीन कि सहर म मनखे के सुविधा के संग खेल के अधोसंरचना विकसित करे बर घलो सरकार प्रतिबद्ध हे अउ ए दिसा म निरंतर परयास करे जात हे।
मुख्यमंत्री भूपेश बघेल ह किहीन कि राज्य अउ जिला म सरलग बेहतर खेल अधोसंरचना तैयार करे जात हे। एखर ले छत्तीसगढ़ खेल के क्षेत्र म काफी मजबूत होके उभरही । ए मउका म खनिज विकास निगम के अध्यक्ष गिरीश देवांगन, नगरपालिका अध्यक्ष राजेश्वर सोनकर समेत आन जनप्रतिनिधि उपस्थित रिहीन।
