cm bhupesh baghel ह राजधानी रायपुर म गहोई भवन के करीन लोकार्पण
जय जोहार। मुख्यमंत्री भूपेश बघेल (cm bhupesh baghel) ह आज रायपुर म एम्स के तीर टाटीबंध म श्रीगहोई वैश्य समाज, रायपुर डहार ले बनवाए गे नवनिर्मित भवन के लोकार्पण करीन । मुख्यमंत्री श्री बघेल ह ए अवसर म किहीन कि एम्स म मरीज के इलाज के दउरान मरीज अउ ओखर परिजन के रुके के व्यवस्था बर समाज डहार ले ये भवन ल बनवाए गेहे । श्रीगहोई वैश्य समाज रायपुर ह सेवाभाव ले ये बड़ अकन ही प्रसंसनीय अउ पुनीत काम करे हे।
मुख्यमंत्री ह किहीन कि मेहा आपन सबो ल नवनिर्मित भवन के लोकार्पण के बधाई देवत हों । सामाजिक भवनों, धर्मसाला म समाज के उत्थान अउ विकास के चर्चा घलो होत हे , दूसरइया समाज के मनखे मन ल घलो एखर लाभ मिलही । छत्तीसगढ़ अउ छत्तीसगढ़ के बाहर दूसरइया राज्य ले अवइया मरीज बर ये भवन काफी उपयोगी होही ।
कई घांव इलाज बर काफी बेरा बर रुकना पड़त हे , अइसे म ए भवन के माध्यम ले मरीज अउ ओखर परिजन के रुके के समस्या के समाधान हो सकही अउ ओमन ल काफी राहत प्रदान करही। अस्पताल के मरीज बर आप मन ह कमरा उपलब्ध कराही , ए काम ल मरीज अउ ओखर परिजन कभू नई भुला पाही ।
नगरीय प्रसासन मंत्री डॉ. शिवकुमार डहरिया ह कार्यक्रम के अध्यक्षता करीन । विसेस अतिथि के रूप म सांसद सुनील सोनी, संसदीय सचिव विकास उपाध्याय, छत्तीसगढ़ गृह निर्माण मंडल के अध्यक्ष अउ विधायक कुलदीप जुनेजा, विधायक बृजमोहन अग्रवाल, रायपुर महापौर एजाज ढेबर घलो उपस्थित रिहीन ।
