CM Bhupesh Baghel ह जीआईएस आधारित जिला जल संरक्षण योजना के करीन सुभारंभ
जय जोहार। सीएम भूपेश बघेल (CM Bhupesh Baghel) ह भेंट-मुलाकात कार्यक्रम के तहत आज धमतरी जिला के सिहावा विधानसभा स्थित रेस्ट हाउस म जिला स्तर के अधिकारी मन के बइठक लेके योजना अउ विकास काम के समीक्षा करीन । बइठक के अंत म मुख्यमंत्री ह जीआईएस आधारित जिला जल संरक्षण योजना के लैपटॉप म बटन क्लिक कर के सुभारंभ करीन।
जिला विज्ञान एवं सूचना अधिकारी ह बताइन कि जल संसाधन ल संरक्षित करे अउ कृषि काम ल बढ़ावा दे के उद्देश्य ले जिला के परंपरागत जल स्रोत के संरक्षण, संवर्धन अउ नवीनीकरण बर जिला प्रसासन डहार ले जलशक्ति अभियान के तहत ये योजना ल तईयार करे गेहे । वोहा बताइन कि योजना के अंतर्गत बछर 2021-22 म बरसा जल संचयन 878 काम, पारम्परिक जल स्त्रोत के जीर्णाेद्धार के 733 काम, नवीनीकरण अउ पुनर्भरण संरचना के 145, वाटरशेड विकास के 728, सघन वृक्षारोपण के 1.58 लाख पौधा रोपे गेहे।
एखर आलावा जल स्रोत के गणना अउ ओखर जियो टैगिंग काम 19 एक हज़ार 740 करे गेहे।। एखर आलावा जल स्रोत के जानकारी पोर्टल म शत-प्रतिशत अपलोड कर दे गेहे । मुख्यमंत्री श्री बघेल ह ए पहल बर जिला प्रसासन ल बधाई दीन ।
