Chhattisgarh: सीएम भूपेश बघेल ह राज्य निर्वाचन आयोग के नवा भवन के करिन लोकार्पण, पढो पूरा खबर

जय जोहार…. (Chhattisgarh) सीएम भूपेश बघेल ह आज अपन रायपुर के निवास कार्यालय ले वीडियो कांफ्रेंसिंग के माध्यम ले राज्य निर्वाचन आयोग के नवा भवन के लोकार्पण करे हे। नवा रायपुर, अटल नगर के नार्थ ब्लाक के सेक्टर 19 म ए भवन के निर्माण करे गे हे।

ए अवसर म (Chhattisgarh) सीएम बघेल ह कहिन कि ए नवा सुविधाजनक भवन म अधिकारी अऊ कर्मचारी मन ल व्यवस्थित ढंग ले कार्य करे के अवसर मिलही। सीएम बघेल ह कहिन कि लोकतांत्रिक देश म राज्य निर्वाचन आयोग के प्रदेश के स्थानीय निकाय अऊ त्रिस्तरीय पंचायती राज संस्था के निर्वाचन कराय म महत्वपूर्ण भूमिका होवत हे। राज्य निर्वाचन आयोग ह पिछिले 29 साल म अपन ए दायित्व के बखूबी निर्वहन करे हे।

ए अवसर म (Chhattisgarh) वन मंत्री मोहम्मद अकबर, कृषि मंत्री रविन्द्र चौबे, गृहमंत्री ताम्रध्वज साहू, पंचायत अऊ ग्रामीण विकास मंत्री टी.एस. सिंहदेव, स्कूल शिक्षा मंत्री डॉ. प्रेमसाय सिंह टेकाम, नगरीय प्रशासन मंत्री डॉ.शिव कुमार डहरिया, खाद्य मंत्री अमरजीत भगत, महिला अऊ बाल विकास मंत्री अनिला भेंड़िया, उद्योग मंत्री कवासी लखमा उपस्थित रिहिन।