जय जोहार…. (chhattisgarh) मुख्यमंत्री भूपेश बघेल ह किहीन कि राज्य सरकार जन सुविधा के दृस्टि ले आम मनखे मन ले जुड़े सेवा के प्रक्रिया ल सरल अउ बेहतर बनाय बर प्रतिबद्ध हे। मुख्यमंत्री बघेल ह आज अपन निवास कार्यालय ले वीडियो कॉन्फ्रेंसिंग ले नवा रायपुर के सेक्टर 29 म नवा उप पंजीयक कार्यालय के लोकार्पण समारोह ल सम्बोधित करत रिहीन।
(chhattisgarh) नवा रायपुर म पंजीयन कार्यालय सुरु होय ले नवा रायपुर के 6 गांव, आरंग के 20 अउ अभनपुर विकासखंड के 15 गांव कुल 41 गांव के मनखे मन ल पंजीयन काम के सुविधा मिलही। ओमन ल पंजीयन बर 40 किलोमीटर दुरिया रईपुर आना पड़त रिहीन। नवा रायपुर म ए कार्यालय के सुरु होय ले ओखर बेरा अउ श्रम के बचत होही।
मुख्यमंत्री बघेल ह कारी करम म पंजीयन विभाग के बैकलॉग दस्तावेज के स्कैनिंग, डिजिटाइजेशन काम अउ डिजिटल ई-स्टाम्प सुविधा के घलो सुभारंभ करीन। कारीकरम म राजस्व मंत्री जयसिंह अग्रवाल ह कोरबा ले जुड़े रिहीन। (chhattisgarh) संसदीय सचिव वाणिज्यिक कर (पंजीयन) इंदरशाह मंडावी, मुख्यमंत्री के अपर मुख्य सचिव सुब्रत साहू, सचिव वाणिज्यिक कर निरंजन दास, महानिरीक्षक पंजीयन अउ मुद्रांक सुश्री इफ्फत आरा, उप महानिरीक्षक पंजीयन अउ मुद्रांक सुशील खलको ह मुख्यमंत्री निवास म उपस्थित रिहीन।
No Comment! Be the first one.