CM Bhupesh Baghel ह छुरिया म पंचायत कैफे के करीन सुभारंभ

जय जोहार। सीएम भूपेश बघेल (CM Bhupesh Baghel) ह आज राजनांदगांव जिला के विकासखंड मुख्यालय छुरिया म पंचायत कैफे के सुभारंभ करीन । ए मउका म मुख्यमंत्री ह इफरा अउ मिलेट्स व्यंजन रागी के हलवा के स्वाद लीन। वोहा बिहान महिला स्व-सहायता समूह के महिला डहार ले बनाए जावत व्यंजन के प्रसंसा करीन । समूह के महिला मन ह मुख्यमंत्री के कैफे के माध्यम ले रोजगार के अवसर उपलब्ध कराए बर आभार व्यक्त करीन ।

जिला प्रसासन के पहल म बिहान स्व-सहायता समूह के महिला मन ल रोजगार उपलब्ध कराए ल परंपरागत छत्तीसगढ़ी अउ मिलेट्स व्यजंन ल बढ़ावा दे के उद्देश्य ले जनपद पंचायत छुरिया के परिसर म पंचायत कैफे के सुरुवात करे गेहे । पंचायत कैफे के अवलोकन के दउरान जिला प्रसासन के अधिकारी ह मुख्यमंत्री ल जिला म चलाए जावत पंचायत कैफे के संबंध म विस्तार ले जानकारी दीन।

अधिकारी ह बताइन कि छुरिया म पंचायत कैफे के संचालन बर 5 महिला स्व-सहायता समूह पदम तुलसी स्व-सहायता समूह बम्हनीचारभाठा, भवानी स्व-सहायता समूह, शिकारीमहाका, मां शक्ति स्व-सहायता समूह तेन्दूटोला, जय मां संतोषी स्व-सहायता समूह कुमर्राछुरिया, जय गुरूदेव स्व-सहायता समूह जंगलपुर ल बैंक के माध्यम ले 2 लाख 50 हजार रुपिया के वित्तीय सहायता रासि उपलब्ध कराए गेहे ।