chhattisgarh : सीएम भूपेश बघेल ह छत्तीसगढ़ राज्य के गौठान म गोबर ले बिजली उत्पादन परियोजना के करीन वर्चुअल सुभारंभ
जय जोहार…. (chhattisgarh) मुख्यमंत्री भूपेश बघेल ह आज बेमेतरा जिला मुख्यालय के बेसिक स्कूल ग्राउंड म आयोजित किसान सम्मेलन के दउरान छत्तीसगढ़ राज्य के गौठान म गोबर ले बिजली उत्पादन के परियोजना के वर्चुअल सुभारंभ करीन। मुख्यमंत्री बघेल ह किहीन कि छत्तीसगढ़ सरकार ह राष्ट्रपिता महात्मा गांधी के ग्राम सुराज के परिकल्पना ल साकार करत हुए गांव ल स्वावलंबी बनाय म जुटे हे। अब छत्तीसगढ़ के गांव ह गोबर ले विद्युत उत्पादन के मामला म स्वावलंबी होही।
मुख्यमंत्री बघेल ह किहीन कि एक ठीन बेरा रिहीन जब विद्युत उत्पादन के काम ल सरकार अउ बड़े उद्योगपति करत रिहीन। अब हमार मन के राज्य म गांव के ग्रामीण टेटकू, बैशाखू, सुखमती, सुकवारा घलो बिजली बनाही अउ बेचही। (chhattisgarh) कारीकरम म गृह मंत्री ताम्रध्वज साहू, कृषि अउ जल संसाधन मंत्री रविन्द्र चौबे, संसदीय सचिव गुरूदयाल बंजारे, बेमेतरा के विधायक आशीष छाबड़ा उपस्थित रिहीन।
मुख्यमंत्री बघेल ह बेमेतरा जिला के राखी गौठान, दुर्ग जिला के सिकोला अउ रायपुर जिला के बनचरौदा म गोबर ले विद्युत उत्पादन के सुभारंभ अवसर म उहाँ मौजूद स्व-सहायता समूह के महिला अउ गौठान समितिय के सदस्य ले ओखर आयमूलक गतिविधि के बारे म चर्चा करत हुए ओमन ल अब गोबर ले विद्युत उत्पादन के यूनिट सुरु होय म बधाई अउ सुभकामना दीन। (chhattisgarh) मुख्यमंत्री बघेल ह किहीन कि गोबर ले वर्मी कम्पोस्ट के उत्पादन ले जतना लाभ महिला समूह ल होवत हे। बिजली उत्पादन सुरु होय ले ओमन ल दुगुना लाभ मिले ल लगही।
