chhattisgarh : सीएम भूपेश बघेल ह प्रदेस के सबले पहला सीवरेज ट्रीटमेंट प्लांट के करीन लोकार्पण

जय जोहार…. (chhattisgarh ) मुख्यमंत्री भूपेश बघेल ह मंगलवार के बस्तर संभाग के मुख्यालय जगदलपुर के समीप बालीकोंटा म करीबन 54 करोड़ रुपिया के लागत ले निर्मित प्रदेस के पहला सीवरेज ट्रीटमेंट प्लांट के लोकार्पण ल विधिवत पूजा कर करीन । ए अवसर म वो हा इंद्रावती नदी के आरती अउ पूजा-अर्चना कर प्रदेस के खुसहाली अउ समृद्धि के कामना करीन।

मुख्यमंत्री बघेल ह नदी अउ आन जलस्रोत के स्वच्छता ल आवश्यक बतात हुये (chhattisgarh ) प्रदेस के सबले पहला सीवरेज ट्रीटमेंट प्लांट के निर्माण बर बस्तर जिला प्रशासन अउ महापौर श्रीमती सफीरा साहू के नेतृत्व म जगदलपुर नगर निगम डहार ले करे काम के सराहना करीन । मुख्यमंत्री बघेल ह ए अवसर म सीवरेज ट्रीटमेंट प्लांट के अवलोकन कर तकनीकी जानकारी घलो लीन ।

ए अवसर म प्रभारी मंत्री कवासी लखमा, (chhattisgarh ) सांसद दीपक बैज, बस्तर क्षेत्र आदिवासी विकास प्राधिकरण के अध्यक्ष लखेश्वर बघेल, संसदीय सचिव रेखचन्द जैन, चित्रकोट विधायक राजमन बेंजाम, महापौर सफीरा साहू, नगर निगम अध्यक्ष कविता साहू, कमिश्नर श्याम धावड़े, कलेक्टर बस्तर रजत बंसल, वरिष्ठ पुलिस अधीक्षक जितेंद्र मीणा, जिला पंचायत बस्तर के मुख्य कार्यपालन अधिकारी रोहित व्यास, नगर निगम बस्तर आयुक्त प्रेम पटेल उपस्थित रिहीन ।