chhattisgarh: मुख्यमंत्री ह बिलासपुर महाधिवक्ता कार्यालय के नवा दुसरइया तल के करीन लोकार्पण, पढ़व
जय जोहार । (chhattisgarh) मुख्यमंत्री भूपेश बघेल ह आज अपन निवास कार्यालय ले वीडियो कॉन्फ्रेंस ले बिलासपुर हाईकोर्ट परिसर स्थित महाधिवक्ता कार्यालय के नवनिर्मित दुसरइया तल के लोकार्पण करीन । ए कार्यालय भवन केदुसरइया तल के निर्माण ल 1 करोड़ 65 लाख 86 हजार रुपिया के लागत ले पूर्ण करे गेहे ।
महाधिवक्ता कार्यालय बिलासपुर ले छत्तीसगढ़ के एडवोकेट जनरल सतीश चंद्र वर्मा, अतिरिक्त महाधिवक्ता अमृतो दास, सुनील ओटवानी, चन्द्रेश श्रीवास्तव, मीना शास्त्री अउ राघवेन्द्र प्रधान समेत विधि अधिकारी अउ कार्यालयीन अधिकारी-कर्मचारी ह वीडियो कॉन्फ्रेंसिंग के माध्यम ले ए कारीकरम ले जुड़ेे रिहीन।
ए अवसर म (chhattisgarh) मुख्यमंत्री ह किहीन कि ए नवा निर्माण के पूरा हो जाय ले महाधिवक्ता कार्यालय म जादा व्यवस्थित अउ सुविधापूर्ण तरीका ले अपन दायित्व के निर्वहन ल कर पाही । ए कार्यालय के काम तेजी अउ सुचारू रूप ले संचालित हो सके, एखर बर जरूरी इंतजाम करे जात हे। मुख्यमंत्री ह महाधिवक्ता कार्यालय के भवन विस्तार के संगेसंग महाधिवक्ता कार्यालय के काम-काज के डिजिटाइजेशन करे म प्रसन्नता जाहिर करीन ।
