chhattisgarh : मुख्यमंत्री ह आवापल्ली म 40 देवगुड़ी के जीर्णोद्धार अउ सौन्दर्यीकरण काम के करीन लोकार्पण अउ भूमिपूजन
जय जोहार । (chhattisgarh) मुख्यमंत्री ह भेंट-मुलाकात अभियान के दउरान बीजापुर विधानसभा क्षेत्र के ग्राम पंचायत आवापल्ली के देवगुड़ी म आयोजित कारीकरम म बीजापुर जिला के 2 ठीन विकासखण्ड आवापल्ली (उसुर) अउ भोपालपट्टनम के 40 देवगुड़ी के जीर्णोंद्धार अउ सौंदर्यीकरण काम के लोकार्पण एवं भूमिपूजन करीन।
ए देवगुड़ी म कराये जावत काम के लागत 4.46 करोड़ रूपिया हे । (chhattisgarh) मुख्यमंत्री ह देवगुड़ी परिसर म आम के पौधा ल घलो रोपीन । ए अवसर म उद्योग मंत्री कवासी लखमा, लोकसभा सांसद दीपक बैज, बीजापुर विधायक विक्रम मंडावी घलो उपस्थित रिहीन ।
(chhattisgarh) मुख्यमंत्री भूपेश बघेल ह किहीन कि राज्य सरकार डहार ले आदिवासी मन के गौरवसाली संस्कृति के संरक्षण अउ संवर्धन बर हर संभव परयास करे जावत हे । ए क्रम म आदिवासी मन के आस्था अउ श्रद्धा के केन्द्र देवगुड़ी के जीर्णोद्धार अउ परिसर के सौन्दर्यीकरण, बुनियादी सुविधा के विकास के काम कराये जावत हे । एखर बर राज्य सरकार डहार ले देवगुड़ी के विकास बर 5 लाख रुपिया के रासि स्वीकृत करे जात हे ।
