chhattisgarh : मुख्यमंत्री भूपेश बघेल ह राज्य स्तरीय विकास प्रदर्सनी के करीन सुभारंभ

जय जोहार। (chhattisgarh) मुख्यमंत्री भूपेश बघेल ह आज किसान मन के संग रईपुर के साइंस कॉलेज ऑडिटोरियम म राज्य स्तरीय विकास प्रदर्सनी के सुभारंभ करीन । पूर्व प्रधानमंत्री भारत रत्न स्वर्गीय राजीव गांधी के पुण्य तिथि म जनसंपर्क विभाग डहार ले छत्तीसगढ़ म पिछले साढ़े तीन बछर म होय विकास अउ उपलब्धि म आधारित ए छायाचित्र प्रदर्सनी के आयोजन करे गेहे । राज्य सासन के प्राथमिकता के योजना म एमा बिसेस रूप ले फोकस करे गेहे । अवइया एक महीना तक ये छायाचित्र प्रदर्सनी आम मनखे मन बर खुलही।

(chhattisgarh) मुख्यमंत्री ह प्रदर्सनी स्थल म लगे पूर्व प्रधानमंत्री राजीव गांधी के चित्र म पुष्प अर्पित कर ओमन ल श्रद्धांजलि दीन। वो हा प्रदर्सनी के उद्घाटन के बाद एखर अवलोकन घलो करीन । वो हा अलग-अलग योजना के मैदानी स्तर म क्रियान्वयन के तस्वीरे ल गौर ले देखीन। वो हा श्री धन्वंतरी जेनेरिक मेडिकल स्टोर योजना अउ मुख्यमंत्री स्लम स्वास्थ्य योजना के तस्वीर ल देखत मौजूद विभागीय अधिकारी मन ले ए योजना के फीडबैक घलो लीन। । मुख्यमंत्री के संग विधायक अनिता योगेन्द्र शर्मा अउ रायपुर जिला सहकारी केन्द्रीय बैंक के अध्यक्ष पंकज शर्मा ह घलो प्रदर्सनी के अवलोकन करिन ।

जनसंपर्क विभाग डहार ले साइंस कॉलेज परिसर के डीडीयू ऑडिटोरियम म छायाचित्र प्रदर्सनी म (chhattisgarh) राज्य सासन के फ्लैगशिप योजना के आने आने जिला म क्रियान्वयन के तस्वीर अलग-अलग सेगमेंट म प्रदर्सनी करे गेहे ।

राजीव गांधी किसान न्याय योजना, गोधन न्याय योजना, राजीव गांधी ग्रामीण भूमिहीन कृषि मजदूर न्याय योजना, श्री धन्वंतरी जेनेरिक मेडिकल स्टोर, स्वामी आत्मानंद उत्कृष्ट अंग्रेजी माध्यम स्कूल, मुख्यमंत्री स्लम स्वास्थ्य योजना, मुख्यमंत्री हाट बाजार क्लिनिक योजना, सुराजी गांव योजना, राम वन गमन पर्यटन परिपथ, भेंट-मुलाकात, छत्तीसगढ़ रोजगार मिशन, वन अधिकार पत्र वितरण, वनोपज संग्रहण, राजीव युवा मितान क्लब योजना के क्रियान्वयन अउ प्रदेस के मनखे मन तक पहुंचत एखर लाभ ल छायाचित्र अउ फिलीम ले प्रदर्सित करे गेहे ।