chhattisgarh : मुख्यमंत्री ह राज्य स्तरीय योगासन प्रतियोगिता सह योग सम्मेलन के करीन सुभारंभ, किहीन -स्वस्थ अउ निरोग रखे म योग के हे महत्वपूर्ण भूमिका, पढ़व

जय जोहार । (chhattisgarh) मुख्यमंत्री भूपेश बघेल ह किहीन कि मनखे मन ल स्वस्थ अउ निरोग रखे म योग के महत्वपूर्ण भूमिका हे । वर्तमान बेरा म भाग-दौड़ भरी जिनगी म एखर प्रसंगिकता अउ घलो बाढ़ जात हे । योग ह तन अउ मन दूनों ल स्वस्थ रखत हे । योग के नियमित अभ्यास ले स्वास्थ सुरक्षा मिलत हे ।

सीएम श्री बघेल ह आज राजधानी रईपुर के शहीद स्मारक म छत्तीसगढ़ योग आयोग के पंचम स्थापना दिवस म तीन दिवसीय राज्य स्तरीय योगासन प्रतियोगिता सह सम्मेलन के सुभारंभ सत्र ल सम्बोधित करत रिहीन।

मुख्यमंत्री श्री बघेल ह किहीन कि योग के शाब्दिक अर्थ जोड़ना हे । ये साधक ल अपन आप ले जोड़त हे । योग हमन ल अनुसासित करत हे अउ अनुसासन ले जिम्मेदार नागरिक बनत हे । ए मउका म र मुख्यमंत्री ह राजधानी वासी मन ल योग के नियमित अभ्यास बर ग्राम फुण्डहर म भवन उपलब्ध कराय के घोसना करीन ।

मुख्यमंत्री ह किहीन कि योग सामूहिक नई , व्यक्तिगत हे । हरेक मनखे के शरीर के प्रकृति अलग होत हे । योग प्रसिक्षक के सानिध्य म यम, नियम के पालन करत अपन शरीर बर उपयुक्त आसन के अभ्यास करना चाही । वो हा किहीन कि अष्टांग योग के नियम के पालन करत आसन-प्राणायाम के अभ्यास करना चाही ।