जय जोहार। बलरामपुर रामानुजगंज जिला म राज्य के पहिला शहीद पार्क के स्थापना करे गेहे । मकर संक्रांति के दिन सीएम भूपेश बघेल (CM Bhupesh Baghel) ह ए शहीद पार्क के लोकार्पण करीन ।
बलरामपुर म प्रदेश के पहिला शहीद पार्क ल लगभग चालीस लाख रुपिया के लागत ले तईयार करे गेहे, एखर निर्माण बर नगर पालिका ल नोडल एजेंसी बनाए गे रिहीन । बलरामपुर के शहीद चौक म स्थापित ए पार्क म शहीद प्रधान आरक्षक लाजरुस मिंज, शहीद आरक्षक महेश राम पैंकरा, शहीद आरक्षक अनिल खलको, शहीद उप निरीक्षक नबोर कुजूर, शहीद प्रधान आरक्षक मनाजरूल हक, शहीद उप निरीक्षक मसीह भूषण लकड़ा, शहीद प्रधान आऱक्षक रामसाय राम के प्रतिमा स्थापित करे गेहे।
ए प्रतिमा के नीचे अमर शहीद के बायोडाटा घलो उकेरे गेहे। देश के ए वीर सपूत ल देखे बर शहीद पार्क म मनखे मन के भीड़ उमड़त हे। मुख्यमंत्री भूपेश बघेल के ए पहल के बाद अब शहीद ल याद करे बर बछर म एक घांव ओमन ल याद नई करे जाही, बल्कि हर दिन हर पल मनखे ह देश बर मर मिटइया ए शहीद ल याद करही ।
Other Articles
