जय जोहार। (chhattisgarh ) मुख्यमंत्री भूपेश बघेल ह आज जशपुर जिला म पर्यटन ल बढ़ावा दे बर सरना एथनिक रिसोर्ट म टेलीस्कोप के लोकार्पण करीन। वो हा किहीन कि जिला म पर्यटन के अपार संभावना हे । इहां चारों ओर प्रकृति के मनोरम सौंदर्य देखे ल मिलत हे। प्रदेस म पर्यटन स्थल के विकास बर सतत कार्य करे जात हे । पर्यटन स्थल के विकास ले स्थानीय मनखे मन ल रोजगार मिलेही अउ ओखर आय म वृद्धि होही ।
(chhattisgarh ) मुख्यमंत्री ह ये टेलीस्कोप ल देसदेखा पर्यटन महिला स्व-सहायता समूह ल प्रदान करीन । साथ ही देसदेखा पर्यटन समिति ल 10 कैम्पिंग टेंट अउ उपकरण घलो प्रदान करीन । पर्यटन स्थल देस देखा म कैम्पिंग के व्यवस्था हो जाय ले पर्यटक डहार ले रात्रि विश्राम के आनंद ले जा सकेही । संगेसंग मुख्यमंत्री के समक्ष स्टार्टअप जशपुर ट्रिप्पी हिल्स अउ देस देखा पर्यटन समिति के बीच एमओयू पर हस्ताक्षर करे गीन । रिसोर्ट स्थल म जशपुर पर्यटन सर्किट प्रारम्भ करे गेहे । जेखर ले प्रत्येक पर्यटन स्थल के जानकारी मिलही ।
ए दउरान मुख्यमंत्री ह जिला के पर्यटन स्थल के जानकारी ल ऑनलाईन सोसल मीडिया प्लेटफार्म म उपलब्ध कराय बर तैयार करे जोहार जशपुर वेबसाइट लांच करीन । वेबसाइट के माध्यम ले जशपुर के सबो पर्यटन स्थल के लोकेसन, पहुँच मार्ग अउ दूसर आवश्यक सारा जानकारी ऑनलाईन मनखे मन ल मिल सकही ।
No Comment! Be the first one.