Raipur : सीएम भूपेश बघेल ह नवा रईपुर म बनइया सेवा ग्राम के करीन निरीक्षण
जय जोहार…. (Raipur ) आजादी के 75वें बछर म आजादी के लड़ाई के मूल्य, सिद्धांत, आदर्स अउ महात्मा गांधी के ग्राम-स्वराज के संकल्पना ल अक्षुण्ण रखे बर नवा-रायपुर म घलो वर्धा के तर्ज म सेवा-ग्राम के स्थापना करे जाही। मुख्यमंत्री भूपेश बघेल ह आज सचिन राव के संग नवा रईपुर म बनइया सेवा ग्राम बर चिन्हांकित स्थल के निरीक्षण करीन।
निरीक्षण के दउरान अधिकारी मन ह बताइन कि (Raipur ) सेवा ग्राम बर नवा-रायपुर म 76.5 एकड़ के भुइँया चिन्हांकित करे गेहे । ए स्थान ह नवा रईपुर के लेयर वन ले लगे हे। ए स्थल म लगभग पांच एकड़ क्षेत्र म 2 ठीन नहर घलो हे। सेस 75 एकड़ भुइँया म सेवा ग्राम बसाय जाही। निर्माण काम म स्थानीय स्तर म उपलब्ध निर्माण सामग्री के उपयोग होही।
ए मउका (Raipur ) म कृषि मंत्री रविन्द्र चौबे, वन मंत्री मोहम्मद अकबर, विधायक देवेन्द्र यादव, अपर मुख्य सचिव सुब्रत साहू, विशेष सचिव कृषि डॉ. एस. भारतीदासन, एनआरडीए के मुख्यकार्यपालन अधिकारी डॉ. फकीर भाई अय्याज तम्बोली, संचालक उद्योग अनिल टुटेजा, कलेक्टर रायपुर सौरभ कुमार घलो ओखर संग रिहीन ।
