मुख्यमंत्री ह करिन 2025 के शासकीय कैलेंडर के विमोचन, दर्शाए गिस सुशासन ले समृद्धि की ओर’ के मूलमंत्र

रायपुर। ‘मुख्यमंत्री विष्णु देव साय ह आज मुख्यमंत्री निवास कार्यालय म मकर संक्रांति के शुभ अवसर म छत्तीसगढ़ के रजत जयंती वर्ष 2025 के शासकीय कैलेंडर के विमोचन करिन। कैलेंडर के कवर पेज म प्रधानमंत्री नरेंद्र मोदी अउ मुख्यमंत्री विष्णु देव साय के फोटो के संग ‘सुशासन ले समृद्धि की ओर’ के मूलमंत्र ल दर्शाए गे हे। छत्तीसगढ़ शासन के वार्षिक कैलेंडर म राज्य सरकार के महत्वाकांक्षी योजना के माध्यम ले छत्तीसगढ़ वासी मन के जीवन म आए सकारात्मक बदलाव ल दिखाए गे हे।

मुख्यमंत्री साय ह ए अवसर म कहिन कि ‘सुशासन ले समृद्धि’ के मूलमंत्र म आधारित ए कैलेंडर हमर शासन के प्राथमिकता अउ उपलब्धी के प्रतीक हे। एमां हमन राज्य के जनकल्याणकारी योजना ल समाहित करे हन, जेन छत्तीसगढ़ ल समृद्धि अउ विकास के नवा आयाम तक ले जाहि। ओमन ह मकर संक्रांति के पर्व के शुभकामनाएं देवत कहिन कि ए साल हमर प्रदेश के समृद्धि अउ खुशहाली के स्वर्णिम वर्ष होहि।

रजत जयंती वर्ष 2025 के कैलेंडर म कुछु नवा फीचर ल समाहित करे गिस हे जेन ह एला अउ आकर्षक बना दिस हे। कैलेंडर के प्रत्येक माह म एक क्यूआर कोड देय गे हे, जेमा ओ माह के विशेष अवसर म आधारित मुख्यमंत्री के वीडियो संदेश ल सुने जा सकत हे। एखरे संग नवा संदेश अउ शासन के उपलब्धी मन के घलो जानकारी निरंतर मिलत रहि। कैलेंडर के प्रत्येक माह बर ओ महीना के क्यू आर कोड ही एक्टिव रहि। एखर संग कैलेंडर के प्रत्येक पेज म छत्तीसगढ़ ले जुड़े प्रमुख तथ्य के बारे म घलो बताए गे हे।

शासकीय कैलेंडर के जनवरी माह म छत्तीसगढ़ सरकार के श्री रामलला दर्शन योजना के माध्यम ले अयोध्या अउ काशी के निःशुल्क यात्रा करके लौटे श्रद्धालु मन के तस्वीर दिखाए गे हे। ए योजना ले बड़का संख्या म प्रदेश के लोगन मन ल प्रभु श्री राम के दर्शन के लाभ मिलत हे।

अइसने ही फरवरी माह म राजिम कुंभ कल्प के वैभव के तस्वीर ल साझा करिन हे। उहें मार्च माह म 70 लाख माता-बहनीं के खुशी ल दर्शात तस्वीर हे, जेखर ले जीवन म महतारी वंदन योजना ले बड़का बदलाव आए हे। कैलेण्डर के अप्रैल माह म वनांचल म रहइया लोगन मन के जीवन म तेंदूपत्ता संग्रहण ले आए बदलाव के तस्वीर हे। शासन ह तेंदूपत्ता संग्राहक मन बर पारिश्रमिक दर ल 4 हजार रुपया ले बढ़ाके 5 हजार 500 रुपए कर देय हे।