chhattisgarh : सीएम भूपेश बघेल ह करीन कौशल्या मातृत्व योजना के सुभारंभ, उत्कृष्ट काम बर महिला मन ल करे हे सम्मानित
जय जोहार। (chhattisgarh ) मुख्यमंत्री भूपेश बघेल ह अंतर्राष्ट्रीय महिला दिवस म प्रदेस के महिला मन ल बड़का सौगात दीन हे। वो हा आज राजधानी रईपुर के बीटीआई ग्राउंड म आयोजित राज्य स्तरीय महिला सम्मेलन म सुरक्षित मातृत्व बर पांच हितग्राही मन ल 05-05 हजार रुपिया के चेक प्रदान कर कौशल्या मातृत्व योजना के सुभारंभ करीन। ए योजना के तहत दुसरइया पुत्री के जन्म म महिला हितग्राही मन ल एक मुश्त 5 हजार रुपिया के सहायता रासि दे जाय के प्रावधान हे। योजना ले लईका मन के लालन-पोसण अउ सिक्षा म मदद मिलही ।
मुख्यमंत्री श्री बघेल ह किहीन कि छत्तीसगढ़ (chhattisgarh ) के संस्कृति म हमेसा महिला मन के ऊंचा स्थान रहे हे। इहां समाज म महिला मन के स्थिति ह बेहतर होय के बावजूद आर्थिक भागीदारी के मामला म पुरूष ले पीछे रिहीन। छत्तीसगढ़ म माता-बहिनी ह योग्यता, क्षमता अउ आघू बाढ़े के जज्बा के कमी नई हे। हमन ह संकल्प के संग महिला मन ल अधिकार अउ न्याय दिलाय के जेन काम करे हन, ओ हा सबो के सामने है।
मुख्यमंत्री श्री बघेल ह किहीन कि बड़का उद्योगपति के समान अब छत्तीसगढ़ के महिला मन ह गोबर ले पेंट, बिजली घलो तैयार करही। (chhattisgarh ) बिजली उत्पादन के संग बिजली बेचे के काम कर महिला मन ह पैसा घलो कमाही। छत्तीसगढ़ म रूरल इंडस्ट्रियल पार्क के रूप म गौठान विकसित होवत हे, जेमा सबो बहिनी -बेटी ल काम दे जावत हे।
