CM Bhupesh Baghel ह मनेन्द्रगढ़-चिरमिरी-भरतपुर जिला के करीन सुभारंभ
जय जोहार। सीएम भूपेश बघेल (CM Bhupesh Baghel) ह आज मनेन्द्रगढ़ म आयोजित कार्यक्रम म मनेन्द्रगढ़-चिरमिरी-भरतपुर जिला के सुभारंभ करीन। संगेसंग वो हा 200 करोड़ 73 लाख रुपिया के विकास काम के लोकार्पण-भूमिपूजन करीन । ए अवसर म मुख्यमंत्री के फूलमाला, मुकुट पहनाके , पुष्प वर्षा अउ सरोपा भेंट कर के स्वागत करे गीन । मुख्यमंत्री ह अपन अभूतपूर्व अभिनंदन बर क्षेत्रवासी मन के आभार जताइन अउ नवा जिला के बधाई दीन ।
ए अवसर म सीएम भूपेश बघेल (CM Bhupesh Baghel) ह चिरमिरी के 100 बिस्तर अस्पताल ल जिला अस्पताल बनाय , मनेन्द्रगढ़ के सिद्ध बाबा मंदिर ल पर्यटन विभाग डहार ले विकसित करे अउ मनेन्द्रगढ़-चिरमिरी-भरतपुर के विकास बर तीन-तीन करोड़ दे के घोसना करीन ।
सीएम भूपेश बघेल (CM Bhupesh Baghel) ह किहीन कि हमन तेजी ले विकास के रास्ता म आगू बढ़त हन । पहले बिजली मध्यप्रदेश ले आत रिहीन अब छत्तीसगढ़ म उत्पादित होत हे । हमन ह कर्ज माफी, राजीव गांधी न्याय योजना के माध्यम ले किसान मन ल लाभ पहुंचाइन । वो हा किहीन कि लघु वनोपज के सबले जादा कीमत छत्तीसगढ़ म हे । आज हमन 65 लघु वनोपज के खरीदी करत हन । दुनिया म छत्तीसगढ़ पहला राज्य हे जिहां गोबर के खरीदी करे जात हे ।
