chhattisgarh : सीएम भूपेश बघेल ह भू-खण्ड के भवन निर्माण अनुज्ञा बर वेब पोर्टल ल करीन लॉन्च

जय जोहार…. (chhattisgarh) मुख्यमंत्री भूपेश बघेल ह आज अपन निवास कार्यालय म आयोजित समीक्षा बइठक के दउरान नगरीय निकाय क्षेत्र के बाहर अउ निवेश क्षेत्र के अंतर्गत 500 वर्गमीटर तक के भू-खण्ड म भवन निर्माण अनुज्ञा बर पोर्टल लॉन्च करीन।

भू-खण्ड म भवन निर्माण अनुज्ञा के ए सरल प्रक्रिया के अंतर्गत आवेदक ल ऑनलाइन आवेदन जमा करके प्रोसेसिंग फीस अउ भवन निर्माण अनुज्ञा सुल्क जमा करे ल होही। कम्प्यूटर डहार ले मानचित्र के भूमि नियम के अनुसार परीक्षण कर तत्काल सैद्धांतिक सहमति जारी करे जाही अउ आवेदक ल कर्मकार सुल्क जमा करे के बाद ऑनलाईन स्वीकृति प्राप्त हो जाही। (chhattisgarh) भवन निर्माण अनुज्ञा के ए व्यवस्था ले आवेदक मन ल कार्यालय म कई घांव आय के आवश्यकता नई होही अउ ऑनलाईन माध्यम ले आवेदन जमा कराके अनुज्ञा प्राप्त करे जा सकही।

मुख्यमंत्री श्री बघेल ह पहला प्रकरण म श्रीमती रश्मि खंडेकर ल ऑनलाईन सैद्धांतिक अनुज्ञा प्रदान करीन । (chhattisgarh) जेखर सर्टिफिकेट के प्रति एखर वास्तुविद श्री मोहित सोलंकी ह प्राप्त करीन। ए अवसर म मुख्य सचिव अमिताभ जैन, अतिरिक्त मुख्य सचिव सुब्रत साहू, संचालक नगर अउ ग्राम निवेश जे.पी. मौर्य अउ अपर संचालक नगर – ग्राम निवेश संदीप बागडे उपस्थित रिहीन।