chhattisgarh : मुख्यमंत्री भूपेश बघेल ह प्रतियोगी परीक्षा के अभ्यर्थी बर करीन बड़का घोसना, पढ़व
जय जोहार । (chhattisgarh) मुख्यमंत्री भूपेश बघेल ह प्रतियोगी परीक्षा के अभ्यर्थी बर बड़का घोसना करीन हे। वो हा किहीन कि विशेष कनिष्ठ कर्मचारी चयन बोर्ड डहार ले आयोजित परीक्षा म शुल्क नई ले जाही।
उल्लेखनीय हे कि मुख्यमंत्री डहार ले बजट म पीएससी अउ व्यापम के परीक्षा म शुल्क माफी के पहले ही घोसना करे जा चुके हे। अब विशेष कनिष्ठ कर्मचारी चयन बोर्ड डहार ले आयोजित परीक्षा म शुल्क नई ले जाय के घोसना ले प्रतियोगी परीक्षा के तैयारी करइया छात्र-छात्रा मन म खुशी के माहौल हे ।
गौरतलब हे कि आज (chhattisgarh) मुख्यमंत्री ले एनएसयूआई के सदस्य ह मुलाकात कर परीक्षा शुल्क माफ करे के मांग करे रिहीन। ए दउरान मुख्यमंत्री श्री बघेल ह परीक्षा शुल्क माफ करे के तत्काल घोसना कर दीन । मुख्यमंत्री के ए निर्णय ले छात्र-छात्रा मन म हर्ष व्याप्त हे ।
