chhattisgarh : मुख्यमंत्री ह करीन रायगढ़ जिला के नवापारा म कई ठीन घोसना, पढ़व
जय जोहार । (chhattisgarh) मुख्यमंत्री भूपेश बघेल ह आज रायगढ़ जिला के नवापारा म भेंट-मुलाकात कार्यक्रम के सुरुआत मुनीचुआँ आश्रम म पूजा अर्चना कर के करीन । मुख्यमंत्री ह आश्रम परिसर म बरगद के पौधा लगाके पर्यावरण संरक्षण के संदेस दीन अउ ग्रामीण मन ल जादा ले जादा पेड़ लगाय बर प्रोत्साहित करीन । मुख्यमंत्री ल ग्रामीण मन ह फूल के टोपी पहनाके सम्मानित करीन ।
(chhattisgarh) मुख्यमंत्री ह ग्रामीण मन के मांग नवापारा म उपस्वास्थ्य केंद्र ल प्राथमिक स्वास्थ्य केंद्र म उन्नयन, ग्राम कठानी म उप स्वास्थ्य केंद्र बर नवा भवन निर्माण, ग्राम पंचायत मिडमिडा म प्राथमिक स्वास्थ्य केंद्र बर नवा भवन, एकताल रद्दा ले लहंगापाली तक सड़क निर्माण, ग्राम पंचायत पुसौर के बोराडीपा म सर्व समाज बर सामुदायिक भवन, ग्राम मल्दा म पहुँचविहीन ग्राम सोडकला तक सड़क, मुनिचुआं आश्रम परिसर म बाउण्ड्री वाल निर्माण, पुसौर के बड़ी हरदी म मिनी स्टेडियम, महानदी के समीप सबो बाढ़ प्रभावित गांवों म बाढ़ राहत केंद्र के निर्माण, रेंगालपाली म सासकीय उच्चतर माध्यमिक विद्यालय भवन निर्माण के घोसना करीन ।
भेंट-मुलाकात के दउरान किसान बसंत कुमार ह बताइन कि ओला राजीव गांधी किसान न्याय योजना के तहत 94-94 हजार रुपिया के दू ठीन किस्त मिल गेहे । हाफ बिजली बिल योजना के तहत 9 हजार 194 रुपिया के छूट मिलीन। एखर आलावा अल्पकालीन कृषि ऋण माफ योजना के तहत 70 हजार रुपिया कर्ज ले मुक्ति मिले हे ।
