Chief Minister Mitan Scheme : अब घर बइठे बनत हे पैनकार्ड, पढ़व

जय जोहार। (Chief Minister Mitan Scheme) धमतरी सहर के रिसाईपारा वार्ड के रहवइया गृहणी श्रीमती सरिता साहू ह काफी खुश हैं, कि घर बइठे ओखर पैन कार्ड बनाय के प्रक्रिया मितान ह आके पूरा कर दीन। वोहा किहीन कि पैन कार्ड बनाय बर टोल फ्री नंबर 14545 पर कॉल करे म मितान ओखर घर पहुंचीन अउ ओखर ले जरूरी दस्तावेज लेके पैन कार्ड बनाय के ऑनलाइन पंजीकरण प्रक्रिया ल पूरा कर दीन । मितान ह बताइन हे कि तय बेरा म दे गे पता म पैन कार्ड आ जाही ।

प्रदेस सरकार के चार बछर पूरा होय के उपलक्ष्य म गौरव दिवस म 17 दिसम्बर 2022 के मुख्यमंत्री भूपेश बघेल ह मितान योजना म पैनकार्ड बर पंजीयन कराय के सुविधा देके नागरिक मन ल एक ठीन अउ सौगात दीन। एखर तहत अब मितान घर आके पैनकार्ड बनाय के आवश्यक दस्तावेज संकलित कर आगू पंजीकरण के प्रक्रिया ल पूरा करत हे ।

श्रीमती सरिता साहू सहित धमतरी सहर के अब तक आठ मनखे मन के पैनकार्ड बर पंजीकरण करे गेहे । एखर बर आवश्यक दस्तावेज म आधार कार्ड अउ दो पासपोर्ट आकार के फोटो ले जावत हे । राज्य सरकार के लक्ष्य ए योजना ल विस्तारित कर सबो नागरिक बुजुर्ग, दिव्यांग अउ निरक्षर ल घर बइठे आसानी ले 100 प्रकार के सेवा ल प्रदान करना हे।