chhattisgarh : मुख्यमंत्री ह श्री जगन्नाथ मंदिर म करीन पूजा-अर्चना, प्रदेस वासी मन के करे है सुख-समृद्धि के कामना

जय जोहार। (chhattisgarh ) मुख्यमंत्री भूपेश बघेल ह अपन भेंट मुलाकात अभियान के दउरान रायगढ़ जिला के लैलूंगा विधानसभा के ग्राम राजपुर पहुंचीन । वो हा इहां श्री जगन्नाथ मंदिर म भगवान जगन्नाथ, बलभद्र अउ माता सुभद्रा के विधिवत पूजा अर्चना कर प्रदेस वासी मन के सुख-समृद्धि अउ खुसहाली के कामना करीन ।

मुख्यमंत्री श्री बघेल ह मंदिर प्रांगण म आयोजित श्रीमद भागवत महापुराण ज्ञान यज्ञ सप्ताह म घलो सामिल होइन । व्यासपीठ म बइठे कथावाचक पंडित तारेंन्द्र कृष्ण जी महाराज ह मुख्यमंत्री श्री बघेल के शाल श्रीफल ले सम्मान करीन । ए अवसर पर स्कूल शिक्षा मंत्री डॉ. प्रेमसाय सिंह टेकाम, विधायक चक्रधर सिंह सिदार घलो उपस्थित रिहीन ।