CM Bhupesh Baghel ह आज बालोद अउ राजनांदगांव जिला के दउरा म, पढ़व

जय जोहार । सीएम भूपेश बघेल (CM Bhupesh Baghel) ह आज बालोद अउ राजनांदगांव जिला के दउरा म रही । सीएम ह ए दउरान राजनांदगांव म सासकीय दिग्विजय महाविद्यालय के वार्षिकोत्सव कार्यक्रम अउ अखिल भारतीय हॉकी प्रतियोगिता के पुरस्कार वितरण समारोह म सामिल होही। उंहे छत्रपति शिवाजी महाराज के प्रतिमा के अनावरण करही ।

मुख्यमंत्री श्री बघेल ह निर्धारित दउरा कार्यक्रम के अनुसार 16 फरवरी के मंझनिया 12.00 बजे पुलिस ग्राउण्ड हेलीपेड रायपुर ले हेलीकॉप्टर डहार ले प्रस्थान कर 12.30 बजे बालोद जिला के अंतर्गत ग्राम-पीपरछेड़ी पहुंचही । सीएम ह पीपरछेड़ी ले मंझनिया 1.20 बजे हेलीकॉप्टर डहार ले प्रस्थान कर 1.40 बजे पी.टी.एस. राजनांदगांव हेलीपेड पहुंचही । इंहा सीएम ह राजनांदगांव म मंझनिया 1.45 बजे ले 2.15 बजे तक सासकीय दिग्विजय महाविद्यालय के वार्षिकोत्सव कार्यक्रम म सामिल होही। एखर बाद 2.45 बजे शिवाजी पार्क, बूढ़ासागर राजनांदगांव म छत्रपति शिवाजी महाराज के प्रतिमा के अनावरण करही ।

मुख्यमंत्री श्री बघेल ह अपरान्ह 3.15 बजे अन्तर्राष्ट्रीय एक्ट्रोटर्फ हॉकी स्टेडियम राजनांदगांव म 79 वीं महंत राजा सर्वेश्वर दास स्मृति अखिल भारतीय हॉकी प्रतियोगिता 2022-23 के पुरस्कार वितरण समारोह म सामिल होही। एखर बाद 4.45 बजे पी.टी.एस. राजनांदगांव हेलीपेड ले हेलीकॉप्टर ले प्रस्थान कर संझा 5.10 बजे रायपुर लहुट आही ।