chhattisgarh : मुख्यमंत्री ह आज कांकेर जिला के प्रवास म, चारामा म करही 115 विकास काम के लोकार्पण अउ भूमिपूजन
जय जोहार। (chhattisgarh) मुख्यमंत्री भूपेश बघेल ह 28 अक्टूबर के कांकेर जिला के प्रवास म रहही। इंहा सीएम ह स्थानीय कार्यक्रम म सामिल होही । मुख्यमंत्री भूपेश बघेल ह आज मंझनिया 12.30 बजे पुलिस परेड ग्राउण्ड रायपुर ले हेलीकॉप्टर डहार ले प्रस्थान करही अउ मंझनिया 1 बजे कांकेर जिला के चारामा पहुंचही।
(chhattisgarh) उंहा मिनी स्टेडियम म आयोजित कार्यक्रम म 58 करोड़ रुपिया के लागत ले 115 विकास काम के लोकार्पण अउ भूमिपूजन करही। आम सभा ल घलो संबोधित करही ।
(chhattisgarh) मुख्यमंत्री ह मंझनिया 2.10 बजे चारामा ले हेलीकॉप्टर ले प्रस्थान कर 2.30 बजे कांकेर जिला के ग्राम नथियानवागांव पहुंचही अउ शांति भोज कार्यक्रम म सामिल होय के बाद हेलीकॉप्टर ले संझा 4.10 बजे रायपुर लहुट आही ।
