CM Bhupesh Baghel ह चंद्रशेखर आजाद के पुण्यतिथि म करीन नमन

जय जोहार । सीएम भूपेश बघेल (CM Bhupesh Baghel) ह स्वतंत्रता संग्राम सेनानी चंद्रशेखर आजाद के 27 फरवरी के पुण्यतिथि म ओमन ल नमन करीन हे । मुख्यमंत्री ह किहीन कि श्री आजाद के देस भक्ति अउ साहस आज घलो युवा बर प्रेरणा स्रोत हे । मातृभूमि के आजादी बर ओमन म अद्भुत जुनून रिहीन । आजाद जी ह संकल्प ले रिहीन कि ब्रिटिश सरकार के सामने कभू घुटना नई टेकही , आजाद हे आजाद ही रही ।

वोहा देस बर अपन प्राण के आहुति दे दीन । सीएम श्री बघेल ह किहीन कि चंद्रशेखर जी के बलिदान ह हजारो युवा के भीतर क्रांति के मशाल जला दीन । ओखर बलिदान अमूल्य हे , जेखर ऋण कभू चुकाए नई जा सकत।