जय जोहार । सीएम भूपेश बघेल ( CM Bhupesh Baghel) ह आज अपन निवास कार्यालय म स्वतंत्रता संग्राम सेनानी अमर शहीद हेमू कालाणी ल ओखर शहादत दिवस म छायाचित्र म पुष्प अर्पित कर नमन करीन । ए अवसर म छत्तीसगढ़ सिंधी अकादमी के अध्यक्ष राम गिडलानी, सुरेश डिडलानी, अर्जुन वासवानी, अमर बजाज, अमर पचरानी, राधा राजपाल, रवि ग्वालानी अउ अनेश बजाज घलो उपस्थित रिहीन ।
मुख्यमंत्री ह श्री कालाणी के शहादत ल याद करत हुए किहीन कि स्वतंत्रता संग्राम म अनगिनत वीर सपूत ह अपन प्राण के आहुति देके देस ल गुलामी के बेड़ी ले आजाद कराइन । ए वन्दनीय वीर म सबले कम उमर के बालक क्रांतिकारी शहीद हेमू कालाणी के बलिदान ल देस कभू भुला नई पाही । सन 1942 म जब महात्मा गांधी ह भारत छोड़ो आंदोलन चलाइन त 19 बछर के ये किसोर ‘अंग्रेजों भारत छोड़ो’ नारा के संग ए आंदोलन म कूद पड़ीन। वोहा अपन संगी मन के संग विदेसी वस्तु के बहिष्कार करीन अउ मनखे मन ले स्वदेसी वस्तु के उपयोग करे के आग्रह करीन ।
