Raipur : चन्द्रनाहूं -कुर्मी क्षत्रिय समाज के सम्मेलन म सामिल होइन मुख्यमंत्री, सामाजिक भवन बर 30 लाख के रुपिया के करीन घोसना

जय जोहार। सीएम भूपेश बघेल ह किहीन कि सरकार ह अन्नदता ल ओखर उपज के सही दाम दिलाए बर प्रतिबद्ध हे । राज्य के अन्नदाता के बेहतरी अउ ओखर आर्थिक स्थिति ल मजबूत करे ल सरकार कोती ले किसान ले हरेक एकड़ 20 क्विंटल धान के खरीदी के फइसला ले गेहे । वोहा किहीन कि राज्य म चलत प्रदेसव्यापी भेंट मुलाकात कार्यक्रम के दउरान किसान डहार ले 20 क्विंटल प्रति एकड़ धान खरीदी के मांग के मद्देनजर ये फइसला ले गीन । सीएम श्री बघेल ह आज रायपुर जिला के आरंग विकासखंड के अंतर्गत ग्राम पारागांव म आयोजित चन्द्रनाहूँ-कुर्मी क्षत्रिय समाज के रायपुर राज अधिवेशन ल सम्बोधित करत रिहीन ।

मुख्यमंत्री श्री बघेल ह चंद्रनाहू-कुर्मी समाज के मांग म सामाजिक भवन बर 30 लाख रुपिया अउ किचन शेड बर 10 लाख रुपिया दे के घोसना करीन । कार्यक्रम म संसदीय सचिव विनोद सेवनलाल चंद्राकर, बीज विकास निगम के अध्यक्ष अग्नि चंद्राकर, कृषक कल्याण बोर्ड के उपाध्यक्ष महेंद्र चंद्राकर, जीव-जंतु बोर्ड के उपाध्यक्ष आलोक चंद्राकर उपस्थित रिहीन ।

मुख्यमंत्री श्री बघेल ह किहीन कि छत्तीसगढ़ म हमर मन के नवा सरकार बनत ही सर्वप्रथम किसान के कर्जा ल माफ करे गीन। किसानों ल धान के वाजिब मूल्य मिलत हे। एखर आलावा ओमन ल राजीव गांधी किसान न्याय योजना म इनपुट सब्सिडी के घलो लाभ दे जावत हे । कोदो, कुटकी, रागी घलो समर्थन मूल्य म खरीदी करे जावत हे।