chhattisgarh : सीएम ह बाबू छोटेलाल श्रीवास्तव के पुण्यतिथि म करीन नमन

जय जोहार। (chhattisgarh ) मुख्यमंत्री भूपेश बघेल ह स्वतंत्रता संग्राम सेनानी अउ छत्तीसगढ़ में किसान सत्याग्रह के प्रणेता बाबू छोटेलाल श्रीवास्तव के पुण्यतिथि म ओमन ल नमन करीन हे । बाबू छोटेलाल श्रीवास्तव के योगदान ल याद करत सीएम श्री बघेल ह किहीन कि छत्तीसगढ़ म जनमानस ल जागृत करे म ‘बाबू साहब‘ ह महत्वपूर्ण भूमिका निभाइन हे ।

ओखर नेतृत्व म शोषण अउ अन्याय के विरूद्ध किसान मन ह ‘कंडेल नहर सत्याग्रह‘ करीन । (chhattisgarh ) छत्तीसगढ़ म संगठित जनशक्ति के ये अभूतपूर्व प्रदर्शन रिहीस । प्रदेश म स्वतंत्रता आंदोलन के अलख जगाय म घलो ओखर अहम भूमिका रिहीस । सीएम श्री बघेल ह किहीन कि ’बाबू साहेब‘ सच्चे मायने म दृढ़ता अउ संकल्प के प्रतीक रिहीस ।