chhattisgarh : मुख्यमंत्री ह दाऊ दुलार सिंह मंदराजी के पुण्यतिथि म करीन नमन
जय जोहार । (chhattisgarh) मुख्यमंत्री भूपेश बघेल ह लोककला ‘नाचा‘ के जनक दाऊ दुलार सिंह मंदराजी ल ओखर पुण्यतिथि 24 सितम्बर म नमन करे हे । सीएम श्री बघेल ह छत्तीसगढ़ी लोककला के विकास म दाऊ दुलार सिंह के अमूल्य योगदान ल याद करत हुये किहीन कि दाऊ जी ह छत्तीसगढ़ म ‘नाचा‘ ल जीवंत बनाए रखे म महती भूमिका निभाइन ।
वोहा लोक कलाकार ल संगठित कर जनसामान्य म नाचा कला ल पुनर्स्थापित करीन । वोहा नाचा-गम्मत ल मनोरंजन के संग सामाजिक बुराई के विरूद्ध प्रचार प्रसार के ससक्त माध्यम बनाइन । ओखर ये पहल सामाजिक पुनर्जागरण बर बहुत प्रभावी रिहीन । वोहा ‘नाचा‘ ल समाज ले जोड़के एक नवा आयाम तक पहुंचाइन । सीएम श्री बघेल ह किहीन कि लोक कला के सच्चा साधक दाऊ मंदराजी के अपन संस्कृति ले लगाव अउ कला के प्रति समर्पण प्रेरणादायी हे ।
