chhattisgarh : सीएम भूपेश बघेल ह पूर्व प्रधानमंत्री स्व. राजीव गांधी के जयंती म माल्यार्पण कर करीन नमन, पढ़व
जय जोहार…. (chhattisgarh) छत्तीसगढ़ म घलो आज देस के पूर्व प्रधानमंत्री स्व. राजीव गांधी के जयंती ल सद्भावना दिवस के रूप म मनाए गेहे। मुख्यमंत्री भूपेश बघेल ह अपन निवास कार्यालय म देस के पूर्व प्रधानमंत्री स्व. राजीव गांधी के तैल चित्र म माल्यार्पण कर ओमन ल नमन करीन। मुख्यमंत्री भूपेश बघेल, विधानसभा अध्यक्ष डॉ. चरणदास महंत समेत मंत्रिमंडल के सदस्य मन ह मुख्यमंत्री निवास म आयोजित कारीकरम म सद्भावना दिवस के सपथ लीन।
मुख्यमंत्री बघेल ह किहीन कि समावेसी विकास की दूरदर्सितापूर्ण सोच के संग त्रिस्तरीय पंचायती राज व्यवस्था, संचार क्रांति अउ युवा मन ल मतदान के अधिकार जैसे निर्णय ले वो हा 21वीं सदी के भारत के नींव रखीन। (chhattisgarh) राजीव गांधी ह भारत के सबले युवा प्रधानमंत्री के रूप म देस की बागडोर ल संभालीन। राजीव जी के जन्मदिवस ल पूरा देस म सदभावना दिवस के रूप म मनाए जात हे।
ए अवसर म मुख्यमंत्री निवास म विधानसभा अध्यक्ष डॉ. चरणदास महंत, कृषि मंत्री रविन्द्र चौबे, नगरीय प्रशासन मंत्री डॉ. शिव कुमार डहरिया, वन मंत्री मोहम्मद अकबर , (chhattisgarh) उद्योग मंत्री कवासी लखमा, महिला अउ बाल विकास मंत्री अनिला भेंड़िया, लोक स्वास्थ्य यांत्रिकी मंत्री गुरू रूद्र कुमार, स्कूल शिक्षा मंत्री डॉ. प्रेमसाय सिंह टेकाम, राजस्व मंत्री श्री जयसिंह अग्रवाल, सांसद छाया वर्मा, संसदीय सचिव शिशुपाल सोरी, मुख्यमंत्री के सलाहकार विनोद वर्मा अउ रुचिर गर्ग ह घलो राजीव जी के तैल चित्र म पुष्प अर्पित कर ओमन ल नमन करीन।
