chhattisgarh : मुख्यमंत्री भूपेश बघेल ह संत कंवर राम के जयंती म करीन नमन

जय जोहार…. (chhattisgarh ) मुख्यमंत्री भूपेश बघेल ह संत कंवर राम के 13 अप्रैल के जयंती म ओमन ल नमन करत हुये सिंधी समाज के मनखे मन ल बधाई अउ सुभकामना दीन हे । सीएम श्री बघेल ह किहीन कि संत कंवर राम बचपन ले ही संत के सानिध्य म रिहीन । संत के प्रभाव के सेती संत कंवर राम ह ईश्वर भक्ति म रम गीन अउ मनखे मन तक अपन भजन, सूफी कलाम के माध्यम ले मानव प्रेम के संदेस पहुंचाइन।

ओखर आवाज के मधुरता अउ सादगी ह आम-खास सबो मनखे मन ल प्रभावित करीन । (chhattisgarh ) वो हा सारा विश्व ल सत्य, अहिंसा, विश्वबंधुत्व, त्याग अउ बलिदान के मार्ग दिखाइन । वो हा सिंधी सूफी संस्कृति के पैगाम ल जन-जन तक पहुंचाइन हे । सीएम श्री बघेल ह किहीन कि संत कंवर राम ह अपन जीवन मूल्य ले परोपकार अउ मानव आदर्श ल नवा दिशा प्रदान करीन ।